عبد الله النديم
فيه أسامي في الدنيا زي المواسم
القمح
زي الشعاع الحاسم
لما يشق الظلام
زي السلامو عليكم
و زي رد السلام
زي اللغة الي بتجمع الإنسان
على أخوة في الوطن
أول علامي كلام
أسامي ناس كانوا قبلي
تدور عليهم عنيا
هادوني حقي من السما و الميه
و حبلهم مد حبلي
على طريق الزمن
و مشيت معاهم جابلي
صوتهم نسيم البحر
يا اسكندرية الصدر
دايما ساعات الفجر
عبد الله النديم طالع
طالع معاه النور
يحمل خطيب الشارع
و الجمعة و الجمهور
