اسكتش احرقوا الساحرة من المونتي بايثون
مترجم للعامية بتصرف بسيط
مصدر الكلام من هنا.
مصدر الصورة من هنا.
قروي #1: لقينا ساحرة، ممكن نحرقها؟
الحشد: احرقوها! احرق
بيديفر: وعرفتوا ازاي انها ساحرة؟
قروي #2: شكلها ساحرة
بيديفر: هاتوها هنا
الساحرة: أنا مش ساحرة. أنا مش ساحرة
بيديفر: بس انتي لابسة لبس ساحرة
الساحرة: هما الي لبسوني كدا
الحشد: لا، ما عملناش كدا، لا
الساحرة: ودا مش مناخيري، دا مناخير مزيف
بيديفر: يعني؟
قروي #1: يعني, احنا ركبنا لها المناخير.
بيديفر: المناخير؟
قروي #1: والبرنيطة -- بس هيا ساحرة!
الحشد: احرقوها! الساحرة! الساحرة! احرقوها!
بيديفر: انتوا لبستوها كدا؟
الحشد: لا, لا... لا... أيوة. أيوة, أيوة, شوية, شوية.
قروي #1: هي عندها فسفوس في وشها. (She has got a wart.)
بيديفر: وليه فكرتوا انها ساحرة؟
قروي #3: يعني، هي حولتني لسمندل. (Well, she turned me into a newt.)
بيديفر: سمندل؟
قروي #3: أنا اتحسنت.
قروي #2: احرقوها وخلينا نخلص!
الحشد: احرق! احرقوها!
بيديفر: هدوء! هدوء! هدوء! فيه طرق ممكن نعرف منها إذا كانت ساحرة.
الحشد: فيه؟ ازاي؟
قروي #2: والطرق دي بتوجع؟
بيديفر: قولو لي, بتعملوا ايه في الساحرات؟
قروي #2: بنحرق!
الحشد: بنحرق, بنحرقهم!
بيديفر: وغير الساحرات، ايه الحاجات التانية الي بتتحرق؟
قروي #1: ساحرات أكتر!
قروي #2: الخشب!
بيديفر: طيب, ليه الساحرات بيتحرقوا؟
[صمت]
قروي #3: ع--... عشان هما معمولين من الخشب؟
بيديفر: ممتاز!
الحشد: تمام, تمام.
بيديفر: طيب, ازاي نعرف لو هيا معمولة من الخشب؟
قروي #1: نبني جسر بخشبها.
بيديفر: آها, بس انت ممكن تعمل جسر برضه من الحجارة؟
قروي #2: آه, تمام.
بيديفر: هل الخشب بيغطس في المية؟
قروي #1: لا, لا.
قروي #2: بتعوم! بتعوم!
قروي #1: ارموها في البركة!
الحشد: في البركة!
بيديفر: ايه تاني بيعوم على المية؟
قروي #1: العيش!
قروي #2: التفاح!
قروي #3: الزلط الصغير!
قروي #1: العصير
قروي #2: آهه, طعم!
قروي #1: الكريز!
قروي #2: الطين!
قروي #3: الكنايس -- الكنايس!
قروي #2: الرصاص -- الرصاص!
الملك آرثر: البط.
الحشد: أووو.
بيديفر: بالضبط! طيب, بالعقل...
قروي #1: لو... هي... نفس وزن البطة.. تبقى هي معمولة من الخشب.
بيديفر: وعشان كدا؟
قروي #1: تبقى ساحرة!
الحشد: ساحرة! ساحرة! ساحرة!
بيديفر: استخدموا الميزان الكبير!
[بينادي]
بيديفر: تمام, شيلوا التقل!
[وووب] [كريك]
الحشد: ساحرة! ساحرة!
الساحرة: أنا الي عملت كدا في نفسي. (It's a fair cop.)
الحشد: احرقوها! احرقوها!
[بينادي]
بيديفر: وانت مين بقى يالي شكلك عالم وحكيم؟
الملك آرثر: أنا الملك آرثر, ملك البريتونز.
بيديفر: مليكي! (My liege!)
الملك آرثر: أيها الفارس الطيب, ممكن تيجي معايا لكاميلوت, وتنضم لمائدتنا المستديرة؟
بيديفر: مليكي! دا شرف ليا.
الملك آرثر: اسمك ايه؟
بيديفر: بيديفر, مليكي.
الملك آرثر: ماشي هاسميك السير بيديفر, فارس المائدة المستديرة.
