,%20%2337415,%20Egypt%20(ar)_0009.jpg "شاب يسرق قطعة شيكولاته") |
| شاب يسرق قطعة شيكولاته |
شاب يسرق قطعة شيكولاته
لأنه لم يذقها من قبل
أمر جمال التوني مدير نيابة الجيزة
باخلاء سبيل شاب بضمان مالي لسرقته
قطعة شيكولاتة من محل بقالة .
وقد اعترف الشاب ( 19 سنة ) ويعمل
صبي في ورشة حدادة أمام محمد اللمعي
وكيل أول النيابة بانه كان يشتري شايا من
المحل وعندما شاهد الشيكولاته لم يستطع
مقاومتها لانه لم يذقها طوال حياته فسرق
قطعة واحدة ولكن صاحب المحل ضبطه
وسلمه للنيابة التي اخلت سبيله بضمان مالي
المصدر: الأهرام 17 مايو 1989 (رابط)
من تعليقات الفيس بوك
ردحذفالسيد طه الغضبان
Ahmed Elberawy العالم أعقد مما تتخيل يا صديقي العزيز، مافيش كتلة واحدة تقدر تسميها امريكا مثلا أو اسرائيل وتسأل ليه ما عملتش كدا وليه ما كانش فيه رد فعل بالشكل دا، كل دولة عبارة عن كتلة معقدة من الأجهزة والعلاقات ما بينها وبين الأفراد وكل مجموعة لها توجه وتفكير معين وساعات بيحاربوا بعض وبيعارضوا بعض، زي مثلا في اسرائيل، قبل عدوان 67 كان فيها معارضة للعدوان ده من الداخل وناس رفضت الهجوم وحذرت من عواقبه وناس تانية أيدته ووو، وهكذا فلو بتتكلم عن ليه أمريكا موقفها كدا، الحقيقة دا ناتج عن ضغط مجموعة معينة لها ثقل وفيها مجموعات تانية مش بتحبذ الاتجاه دا وفيه مجموعات تانية مش مهتمة أصلا بالقصة كلها ووو، فصعب تلخص موقف دولة ما في لحظة ما من غير ما تفهم كل القطع الصغيرة جدا الي بتكون الموقف دا ... الخ الخ الخ
Ahmed Elberawy
السيد طه الغضبان اشمعني احنا دايما موقفنا مفهوم و ردود أفعالنا محسومة مفيش اي هرمية في اتخاذ قرار بلد من غير مفاجئات مفاجتاتها دايما موجعة زي الي قبلة 🤣🤣🤣🤣
السيد طه الغضبان
Ahmed Elberawy الديمقراطية ما تنفعش في قبيلة، القبيلة لها شيخ كبير وتحت ايده شيوخ العشائر والبطون ووو، والرأي بياخده مجموعة صغيرة وغالبا بيكون متفق عليه انه موافق لرأي شيخ القبيلة، عشان كدا سهل تتنبأ نتيجة الرأي دا ايه. دولة ما وليكن اسمها س ص ع شكلها ديمقراطي وشكلها عندها ديمقراطية وانتخابات لكن في الحقيقة الكتل الصلبة الي بتحرك دا كله هي القبيلة، سواء أكانت قبيلة شيخها أغنى رجل في القرية أو أغنى رجل في المدينة أو المحافظة أو قبائل فعلا زي كثير جدا من الأرياف والجنوب والصحراء أو البدو أو قبائل يجمعها انتماء فكري معين، فطول الوقت انت متخيل ان الانتخابات (لو تمت بحرية) هتفرز رأي حر بيعبر عن ارادة الشعب ... الخ لكن في النهاية الي بيطلع من الماكنة مش قماش جديد أول مرة تشوفه، انما بيطلع قماش قديم حصيلة تربيطات رأي شيخ كل قبيلة والقبايل التانية، وبين كل دول فيه فعلا مستقلين وغير منتمين لأي حد لكن في النهاية تأثيرهم ضعيف. أنا مرة كتبت الكلام دا والناس زعلت مني، بس الحقيقة ما فيش ديمقراطية من غير علمانية وأي حد بيقول غير كدا بيتكلم عن نوع جديد من الديمقراطية العالم لسه ما شافوش، عشان كدا ما كنتش فاهم تصرفات ناس بترفض العلمانية وبتحاربها ورغم كدا بتدعوا للديمقراطية، الي هوا فيه ايه بالضبط؟ يا إما انت مش فاهم الديمقراطية أو مش فاهم العلمانية أو يمكن العالم كله الي عنده الاتنين دول مش فاهم أي حاجة. والله تعالى أعلى وأعلم.
Ahmed Elberawy
السيد طه الغضبان قولت انت الكلام ده قبل كده و فئة كثير من الصحة بس هل مبدأ الشوري الي المفروض يتم اتباع و هو المنهج الصحيح لو تم اتباع هتاثر علية القبلية بأنواعها ؟
السيد طه الغضبان
حذفAhmed Elberawy الشورى أو الديمقراطية أو أي نظام، القصة في ان الصورة تبقى واضحة في ذهن الناس، مش تقول أي خلطة عشان تريح الزبون وخلاص. القصة في الخلط، ان الناس تبيع لك رامات كتير عشان جهازك يتسرع وتدفع فلوس قد كده وفي الحقيقة انك لو حطيت 2 تيرا رامات مش هيبقى أسرع لأن نظام التشغيل أخره بيشوف 2 جيجا مثلا، القصة هنا، القصة في الكذب والتلفيق.
Ahmed Elberawy
السيد طه الغضبان طب متركب هارد SSD هتحس بسرعة مشوفتهاش قبل كده و من غير متزوج رامات
السيد طه الغضبان
Ahmed Elberawy معاك يا صديقي مش مختلف، المثل الي ضربته قصدي ان الناس بتكذب عشان تسوق بضاعتها على حساب جيب الزبون، بيخلط من دا على دا وبيقولك كلام هو يمكن عارف أو حتى تلاقيه مش عارف وطالما الناس بتهتف لك وبتهلل ولك جمهور كبير، خلاص انتهت. صعب قوي انك تقول كلام عكس الي بيقوله شخص وراه جمهور كبير، القصة ما حدش هيصدقك لو انت قلت لهم الشمس بتطلع من الشرق. مرة والموضوع دا حصل معايا، كتبت كلمة لشخص ما مكروه شعبيا، مسحت اسمه وحطيت اسم شخص محبوب، والنتيجة ان الناس اعجبت بالكلام المكتوب وأثنت عليه ولما قلت الحقيقة وقلت لهم إن فلان الفلاني قال الكلام دا، طبعا كان رد فعل مختلف، القصة هي ان ساعات كتير الناس بتخاف تقول رأيها الحقيقي عشان ما عندهاش قدرة تواجه الأتباع والأذى النفسي الي بيطلع منهم، وكلام كتير علط بيعدي لمجرد ان الي قاله شخص مشهور أو له اتباع كتير... الخ الخ الخ
Ahmed Elberawy
السيد طه الغضبان زي الاهلي فوق الجميع فوق الجميع لية مثلا دافع عني ضد عدوان خارجي و فريق الوطنية راح حارب في سيناء مثلا اهو حاجة من هذا القبيل معتقدات مغلوطة و الناس توارثتها بدون تفكير و الشعبية رسختها المفروض ربنا هو الي فوق الجميع مش الاهلي اساسا الناس عاشت سنة من غير نوادي ولا كرة قدم اينشتاين لو كان مشي مع القطيع الي انتقدتة و مؤمنة فيزياء و نظريات نيوتن مكنش وصل لاي حاجة الناس عمالة تجري ورا النفخ في الرامات و في الاخر نكتشف أن ده عامل واحد من عوامل سرعة الجهاز و أن فئة عوامل تانية أكثر تأثيرا و محسوسة اكتر مكناش بنحطها في الحسبان زي IOPs و service time و throughput
السيد طه الغضبان
Ahmed Elberawy حقيقي وقس على دا أمور كتيرة جدا يا صديقي
Ahmed Elberawy
السيد طه الغضبان يعني علي سبيل المثال الزمالك قادمون منتهي التواضع
السيد طه الغضبان
Ahmed Elberawy زي ما انت قلت على الأهلي، الزمالك نفس المشكلة ونفس التفكير، ناس تقولك الزمالك وطن أو حياة أو أو أو ... الخ التعصب مش بيلغي بس العقل، وانما بيسمم التفكير كمان